第21個月純記錄

毛毛豆 – 21M7D

其實喺第21個月嘅正日，
毛毛媽有set到發佈呢篇嘢，
唔知係唔係同正苦與戰爭有關，
好似俾fb大神吞走咗🙄。

啱啱過咗嘅2月，
暫時冇乜嘢想分享，
只想記錄一下。

2月頭農曆新年，
帶小豆四出拜年，
或者可能係佢未知道利是係咩一回事，
加上同一個場所比較多人，
對於紅色物體都表現出抗拒，
人多嘅場合似乎令佢不安。

新年過咗冇耐，
又再禁晚市堂食，
而月中更加要打針先可以喺餐廳食飯，
少咗好多地方可以同小豆去。
最頭痛嘅係佢仍然未肯戴口罩，
未搵到方法說服佢。
不過佢好似明白出街嘅話只可以留喺車度。

所謂嘅Omicron據聞傳染性極高，
我哋都盡量留喺屋企。
食開奶嘴嘅小豆由於不斷出牙關係，
已經咬爛晒可以用嘅奶嘴，
新買嘅12個又慘敗咗7個。
試過想幫佢戒又喊到豬頭咁，
唯有等佢大個啲再試下。

另一邊廂，
俄羅斯正攻打烏克蘭，
相比之下，
我哋未受戰火摧殘已經好幸福。