毛毛豆的專屬小匙叉

毛毛豆 – 19M19D

有關情緒的書籍尚未看完，遲點再分享。
昨日買了一套毛毛媽心儀的餐具俾小豆。
原本打算用之前朋友送的，
但慢慢發現匙羹的盛載量不夠，
叉亦較難拮到食物（相信是顧及BB安全有關），
而餵飯的羹太長，
小豆食兩啖就用來咬同玩，
所以就搵到呢套短身又易拎嘅餐具。

顏色有5、6款，
呢款係毛毛媽喜歡的藍色💙，
叫毛毛豆揀，佢都係揀呢款。
今日小豆食飯食兩啖又唔食，
於是出動新餐具。

可能佢覺得有控制權又有新事物，
慢慢食都差唔多食晒，
希望佢會用呢套餐具發掘更多好嘢食。